Orkesteret Fossegrimen er eit regionalt symfoniorkester for Voss og grannekommunane. Orkesteret vart skipa i 1917, og tel i dag rundt 35 aktive medlemmar, både amatørar og yrkesutdanna i alle aldrar. Fossegrimen held 6-10 konsertar kvart år. Du er hjarteleg velkomen til å vera med, som tilskodar eller utøvar!
Sommarkonsert med musikk og song - Velkomen til sommarkonsert i Aurland! Dette blir ei feiring av speleglede og fellesskap – der korps, orkester og folkemusikk møtest på tvers av sjangrar.
Saman med gjester frå heile Vestlandet – mellom anna Bergen Musikk Corps, distriktsmusikarar frå Sogndal, spelemannslag og barnekor – skapar vi ei variert musikalsk oppleving.
Programmet er både tilgjengeleg og variert, og vi håpar mange vil vere med – også tidlegare medmusikarar og andre som har lyst til å ta opp att instrumentet.
Set av laurdag 6. juni, og bli med på ein dag fylt av musikk, samarbeid og sommarstemning!
Fossegrimen lyfte fram unge talent - Speleglede og ungt pågangsmot i kulturhuset: Fossegrimen lyfte fram unge talent. Laurdag 24. mai inviterte Fossegrimen til konsert i Voss kulturhus, saman med born og unge musikarar frå Voss kulturskule og musikklina ved Voss gymnas. Det vart ei stemningsfull og variert konsertstund, der Voss sitt eige symfoniorkester spelte saman med fleire unge talent frå bygda.
Har du lyst å vere med i orkesteret? - Spelar du eit orkesterinstrument er du velkomen som musikar! Ta kontakt, eller kom til ei av øvingane våre. Ein kan prøve å vera med ein periode, begynne forsiktig med delar av repertoaret – eller kaste seg heilhjarta uti musikken! Orkesteret øver kvar måndag i Voss kulturhus frå kl 18 – 21. Klikk på overskrifta for å lesa meir!